വേശ്യകളെ കാണുവാൻ എന്തൊരു രസമാണ്?
എല്ലാവർക്കുമവർ കൗതുകമാണ്‌.
പലർക്കും അത് ആഗ്രഹ സഫലീകരണം ആയിരിക്കുന്നു.
കുറ്റം പറയാൻ പറ്റില്ല ആരേയും.
കാമത്തിനപ്പുറം കാഴ്ചയുടെ സുഖവും അവർ നൽകുന്നു.
കാണാൻ നല്ല ചന്തമുണ്ടവർക്ക്.
ചായങ്ങൾ അവരുടെ മുഖം മോടി പിടിപ്പിച്ചിരിക്കുന്നു.
അൽപ വസ്ത്രങ്ങൾ അവരുടെ സൗന്ദര്യം തുറന്നു കാട്ടുന്നു.
എന്താണ് അവരുടെ സൗന്ദര്യത്തെ വ്യത്യസ്ഥമാക്കുന്നത്?
ഒന്നും തന്നെയില്ല.
നിങ്ങളുടെ അമ്മയോ, പെങ്ങളോ, ഭാര്യയോ, കാമുകിയോ,
ഈ ചമയങ്ങൾ അണിഞ്ഞാൽ, ഇവർ തമ്മിൽ
യാതൊരു അന്തരവും ഇല്ല.
വ്യത്യസ്ഥത ആഗ്രഹിക്കുന്ന പുരുഷൻ അന്ധൻ ആണ്.
ഒരു പക്ഷെ അവന് ഭയമാണ് ഈ ചിന്തയെ.
വെറുപ്പാണ്, മടുപ്പാണ്.
ദൈനം ദിനം ഈ വികാരത്തിലൂടെ ജീവിച്ചു തീർക്കുന്നവർ
നിന്നെയും എന്നെയും ഭീരു എന്നു വിളിക്കട്ടെ.
– മനൂ റഹീം
